DAGBOEK

DIE HOËRSKOOL WAGPOS OPEDAG

Die Hoërskool Wagpos nooi ouers en toekomstige leerders uit om op                    11 September 2021 die Opedag by te woon tussen 09:00 -13: 00. Die skool se uniekheid lê in die drie studierigtings wat aan leerders gebied word. Dit beteken dat leerders ‘n loopbaan as dokter, landboukundige of ingenieur kan najaag.

Die Tegniese afdeling bied vakke aan soos Elektronika, Elektries en Pas-en-draai.  Omdat Elektroniese ingenieurswese  gelys  word onder die top 20 tekorte aan mannekrag, is daar nou praktiese fasilitering by die teorie gevoeg. Die toerusting en komponente wat in die industrie gebruik word, word dus nou al op skoolvlak behandel.

Ouers en leerders kan die skoolgronde, landbou-, tegniese en akademiese afdelings kom verken. Ons span sien uit daarna om u by Die Hoërskool Wagpos te ontvang op 11 September 2021 vanaf 09:00.

Vir meer inligting, skakel die skool by 012 072 2733.

DIE ANN VAN DYK CHEETAH SENTRUM - 24 UUR I’LAMUNA UITHOURIT MOTOR WEDREN

Die Ann van Dyk Cheetah Sentrum in samewerking met Clare Vale racing bied aan die 24 uur i’Lamuna uithourit motor wedren en dit vind plaas 30 Oktober by die Red Star Renbaan. Kaartjies beloop R100 per persoon.

Clare Vale racing se renmotor “Lily the Car “ vernoem na een van die Cheetah Sentrum Cheetahs kan deur ‘n gelukkige kaartjie houer gewen word na die wedren.

Die kaartjie verkope se fondse gaan aan die Ann van Dyk Cheetah Sentrum.

Vir meer inligting oor die 24 uur i’Lamuna uithourit, besoek die webtuiste: www.phoenixevents.org en kyk vir die i’Lamuna 24hrs skakel.

Vir meer inligting of om ‘n kaartjie te koop besoek: www.dewildt.co.za of kontak die Cheetah Sentrum by 063 693 7403.

LENTE DANS

Uncle Bens Den & Careson Angels hou 02 Oktober ‘n lente dans ter fondsinsameling vir behoeftiges. Kostes beloop R65 p/p, R110 per paartjie en ‘n heerlike bord kos teen R35 p/p. Bring jou eie drinkgoed en eetgerei saam. Daar is beperkte kaartjies beskikbaar a.g.v Covid regulasies.

Vir meer inligting of om ‘n bespreking te maak kontak Carlene by 072 651 6163 of Janeth by 072 073 5975.

MARKDAG MET HART

Die Hervormde Kerk, Gemeente Rustenburg-Kloof bied aan “Markdag met Hart” die 2de Oktober te Manukalaan 108. Verrigtinge begin 08:30 die oggend en sal duur tot 14:00 die middag. Daar sal verskeie kossoorte, etes en lekkernye te koop wees. Snuffelstalletjies vir al daardie mooi bederf goedjies sal daar ook wees.

Ingang is gratis, maar die publiek se ondersteuning met ‘n nie-bederfbare kositem as ingangsfooi sal waardeer word.

Vir verdere inligting kontak Sune by 065 962 1948.

JOU MA SE MARK

Ons plaaslike entrepreneurs en boere hou 02 Oktober “Jou Ma se Mark” by Afrit 136 op die R513 de Wildt vanaf 09:00 die oggend tot 14:00 die middag. Kom stap ‘n 2km, 5km of 10km saam. Daar sal ook plante, vars produkte, heerlike gebak, handwerk en tradisionele eetgoed beskikbaar wees.

Vir navrae kontak Rina by 071 110 6907.

BRITS RINGBAL - DIE OU KORFBAL KLUB

Brits Ringbal, die ou Korfbal Klub, hou eerskomende Saterdag, 2 Oktober ‘n groot kompetisie by die Brits Sportgronde en die publiek is welkom om te kom ondersteun.

Daar gaan 10 dames en 10 mans spanne wees wat sal kompeteer. Dit beloof om ‘n kompetisie van hoë gehalte te wees met groot naam SA spelers.

Kom wees deel van die pret dag met:

  • Kos stalletjies
  • ‘n Biertuin
  • Springkastele vir die kinders en vele meer.

 

Vir meer inligting kontak vir Charmaine by 083 630 3494.

Neem kennis Covid 19 reëls sal geld!!!

WEEKLIKSE WYSHEDE

Gelukkig is hy wat sy ware roeping gevind het. Hy smag na geen ander geluk nie.

THOMAS CARLYLE (1795-1881)

INLIGTING

INLIGTING VIR NIE-WINSGEWENDE ORGANISASIES

Slegs vir 1 week geplaas (Nie langer nie)

KOSTES R 120-00 (Eenmalig vir 1 week)

UITSAAI TYD Maandag tot Vrydag 19:00, Saturday & Sondag 09:00

Inligting word ook op die webblad geplaas

BANKBESONDERHEDE

BOSVELD STEREO
ABSA SPAAR 93 2523 5442
TAKKODE 632 005
VERWYSING Dagboek / Instansie se naam
E-POS Bewys & bewoording na ontvangs@bosveldstereo.co.za

20% Afslag op tariewe vir Skole & Kerke
INLIGTING VIR ORGANISASIES

7:50 ONTBYT-PROGRAM

R 7 000.00 BTW Uitgesluit

9:05 MID-OGGEND PROGRAM

R 5 000.00 BTW Uitgesluit

14:05 MIDDAG PROGRAM

R 3 500.00 BTW Uitgesluit

5 MINUTE ONDERHOUD

Die kliënt moet 5 vrae voorberei vir die onderhoud. In die geval van ‘n telefoniese onderhoud, moet die kliënt vir Bosveld Stereo ‘n kontaknommer en naam van persoon wat gekontak sal word, verskaf.